Que garantías teño que achegar para alugar unha vivenda?

Vai depender do propietario do piso que che interese, pero como norma xeral o imprescindible é depositar unha fianza equivalente a mes e medio de renda e acreditar uns ingresos periódicos (normalmente presentando copia do contrato de traballo e da nómina máis recente).

Nalgúns casos tamén pode ser necesario a presentación dun aval bancario ou persoal, a firma dun contrato de arbitraxe ou a contratación dun seguro fronte a impagos. 

Busco unha vivenda en aluguer, teño que pagar polo voso servizo?

Non, Inmobiliaria Lares ofrece un servizo integral e gratuito para o arrendatario, é dicir, para ti que vas a ser o inquilino.

Quero alugar unha vivenda... cal vai ser o proceso?

O proceso para o aluguer da túa vivenda habitual a través de nosa inmobiliaria é o seguinte:

1. Elixe o piso que che gusta e consúltanos tódalas condicións para o seu aluguer.

2. Presenta as garantías económicas requiridas para a súa avaliación.

3. Se a resposta do propietario é positiva comezamos os trámites para a súa reserva: facilitámosche o borrador do documento de reserva -que contén as mesmas cláusulas que o contrato de aluguer- para que nos consultes calquera dúbida e cando teñas todo claro asinaremos o documento e entregarás a fianza requirida.

4. Chegada a data pactada reunirémonos novamente para asinar o contrato e entregarche as chaves, momento no que terás que abonar a primeira mensualidade. Agora xa podes comezar a disfrutar o teu novo piso!